Ũhoro ũyũ mwega mũno harĩ etĩkia;
Ira, ũmũthĩ, o na rũciũ Jesũ no ũmwe:
Ahonokagia ehia, akahonia arwaru;
Kĩeha nakĩo akanina, Jesu nĩ agoocwo.

Ũrĩa wendire andũ tene nĩ aragwetha;
Aretha ehia moke gwake merire mehia:
Nowe werire mũndũ: thiĩ na ndũkanehie rĩngĩ.
Nĩguo aroiga nĩũkuoherwo rĩu o ta tene.

Ũrĩa woheire Petero tene nĩ aragwetha.
We ni aninĩire Toma nganja, ndũgetigĩre:
Ũrĩa wendete arutwo aake akĩmahurũkia,
E na wendo na ũhoreri nĩ aragwĩta.

Ũrĩa wagereire maĩinĩ kĩhuhũkanioinĩ
No ahorie ihuhũkanio ciitũ ta kũu Galili:
Ũrĩa warĩrire, akĩhoya kũu Gethisemane.
Nĩ athĩnĩkaga nĩ ithuĩ mũno ikĩroinĩ ciitũ.

Nĩ aatwaranire na agĩikara na andũ Emau:
O na mĩtũũrĩreinĩ iitũ athiaga o na ithuĩ:
Twetereire thutha hanini nĩ arĩtũiyĩra,
Jesũ ũcio wambatire Igũrũ nowe ũgacoka.